PIŠE MILAN RAKOVAC
Jurina & Franina & mraCK: Zajno svi kupiti smartvoč i ćemo biti altroke Ajnštajni
Milan Rakovac
F&J: O artišta?
mraCK: Ča?
F: Ma ga čuješ Jure muoj? Pur ima krijancije!
J: Ter se štupin i ja.
mraCK: Ča to?
F&J dvoglasno: A ča vero? Ma ki drugo zna da kad te pitaju stariji moraš reći ČA, a ne ČA JE, KAKO ČA GA PARLAKVEŠTE UVI MLADI DANAS. Ma inšoma, infati, pjutošto, metemo dir. Povi nan ti, nu, ma ča imaš smartvoč?
M: Ma ke smartvoč, preveć mi je i muoja pamet, pak još smartvoč!
F&J: Ma ke vranić de artišta si ti? Svi kupuju smartvoč, uon da će pisati libre bolje nego vi škrivaduri, i komponivati simfonije i slikati i delati monumiente…
M: Joh je meni, će će, ma kad na vrbi rodi grožđe, ča bi rekli naši gorinjci. A pišu, pišu, ma vero ni stalo ni leglo. Ma kako more makina to ča čovičnega načiniti, kad vuona ne kapi un tubo, ma quell tubo de fogna – kako uvi mirakul po Puli i okolici da će dvajset i sedan miljari ljudi dobiti fonju… Bula ‘sta qua, verooo – bi reka Frasica? Fonju Pula ima dva miljara lit, ma uvo ča su nazidali u zadnjih treideset lit, to je kako dreto kameno doba, fio mio…
F&J: Ma vero pišu šentifiki mondiališti za sve te digitalne mirakule, da će AI, kako vero niš manje nego artifišal intelidžens, nu, propio jedino ča ima samo čovik načiniti uona iz sebe kako tobože anke OPĆU INTELIGENCIJU?
M: MA VERO PAK NIETE DA, MA GNANCA PER SOGNO!
F&j: Ma pak si ziec, nego jušto pak puri mierlo de graja. Najpametnije i najbogatije glave svita, a po našu starinsku, kad si bogat si i pametan, ga predikaju da lako da pametne makine budu zatrle čovika? A ti se vržeš šora de tuti kuanti? Ma nu povi ča ti je u glavi?
M: Škometin da smartvoč i AI nikada ga ne bude pametnija nego čovik, za to ča uona ne kapi ča ga je to la trapola amoreoddio. Uona će sigurno biti jača nego čovik de quel che rendi o no rendi, ma vuona ga nima, ma vero ni ga ne bude imala nikadmai, ni srce ni dušu, a prez tega džaba tebi moj baja virtualni sva tuoja pamet!
F&J: A ma, a bo… ter forši imaš račun, ma intanto ta makinjeta će pur svako delo delati bolje nego čovik, for filozofija i poezija, nu. I ča sad? Ča će čovik brižan moći? Ko ne motiku jopet u šake, kosir na gancin, e ala u kampanju…
Boy o boy am I in trouble? Yes I am, yes we are…
M: I ča će nan faliti, kad se levamo z karijolon u intradu, pak zakantamo unu toskansku iz 1880. Ča je potle već od devedesiet lit zakantala najmilija mi Orietta Berti…
Frane je napuha mih, Jure je napljuka pisak roženic, ja san ćapa akord na mojen organiću, pak smo ga zakantali da se čuje od mora do Učke i od Učke do mora, vero valje priko sedam gora i sedam mora:
A mezzanotte in punto/si sente un gran rumor
sono gli scariolantilerì lerà/che vengono al lavor
Volta rivolta/e torna a rivoltar/noi siam gli scariolanti
lerì lerà/ che vanno a lavorar
A mezzanotte in punto/ si sente una tromba suonar
sono gli scariolanti/ lerì lerà/ che vanno a lavorar
Volta rivolta/ e torna a rivoltar/ noi siam gli scariolanti
lerì lerà/che vanno a lavorar
Gli scariolanti belli/ son tutti ingannator
che i à inganò la bionda/ lerì lerà
per un bacin d’amor
Volta rivolta/ e torna a rivoltar/noi siam gli scariolanti
lerì lerà/che vanno a lavorar.
Pak ala zajno koji vierš po istrijansku te pisme:
I muradori xe grandi traditor
I ga tradi la bionda oili oila
Per un bacin d’amor…
Povezane vijesti
Podijeli: Facebook Twiter
