PIŠE MILAN RAKOVAC
Jurina & Franina & mraCK: Ja neću poć na Havaje, na Jadranu ću sagradit dom? Aj vero pak nećeš!
Milan Rakovac
Vero je lipo uve dane po Jistri nan materinoj, tako smo se nas tri stara cočine lipo nasvirili i nakantali u Fažani naš partizanski kanat. I jur smo pronti za Kumrovec i Kuću cveća, da se domislimo kako nan je bilo u mraku, ča bi rekli feralci – jeba mu pas mater onomu ča je nažga feral... Pak sad u velikoj svitlosti ča nas obasjava ne vidimo njanke prst sprid nosa...
mraCK: A se ča domišljate kako ča smo kantali prija nego je Tito Štalinu fika UP YOURS – s Dona, Volge i Urala, visoko je zatreptala i na naše kape pala zvijezda Danica crvena...
F&J: A šudenti po Beogradu i Zagrebu potle su domonstrirali proti crvene buržoazije...
M: A humoristička rivišta JEŽ je pisa lita i lita na naslovnici – PROLETERI SVIH ZEMALJA UOZBILJITE SE...
F&J: A na mitingu je drug Mujo reka drugovi drugarice, voz našeg napretka nezdaržiov juri u svijetlu budućnost, al ima i onih koji koče!... a Haso zvikne – ma dobro je bolna da ima koćnićara, inaće ode voz u p...u lijepe matere...
M: Intanto, sad smo di smo, ča bi reka Montenegrin – stani đe si, ni za đe si nijesi!
F&J: Ma dobro, nu, još jeno malo, pak ala tutti quanti u Tar, MangiaTorre street food festival pak ćemo se lipo nažerati vero tri food truck, kakko kamioni puni žeranja, pak Cucina 100 gusti, e daghe oio Mezzino Street Food žerimo ga merikanske i azijske manjade,.. pak ala naprid naši Capra Istrian Street Food naše domaće manjade...
M: Ala zakantajmo naši kako u prvanje vrime – ja neću poć na Havajeee, dok ljeto na Jadranu traaaajeee, ja neću poć na Havajeee, na Jadranu ću sagradit doooom...
F&J: Aj vero pak ga ne sagradiš na Jadranu, merlo de graia...
M: A ter znan, znan, zato kantan, kako ča je kanta rsen – ja pjevam samo da mi prođe vrijeme, ahhhhaaaa... Nekretnine su trdo krešile na Jadranu, altroke Havaji, naš Cres je šampion vrhu svih čistih - finta 73 posto, pak Baška 54 posto, Novi Vinodolski 50 posto, Hvar 46 posto, ma vero i naši Fažanci 43 posto... pak kaj nam pak moreju, bi reka Zagorec, zakantajmo tutti in coro e contravento:
‘KO IMA PARA KUPA SE U MORU
A ‘KO NEMA DOMA U LAVORU
MENI SVEJEDNO JE, MENi SVEJEDNO JE ‘KO IMA PARE ILI NE…
F&J: I sad na, da nan fali u turizmu sad zajno 35.000 delavci? Pak da će Plneki e dita bella uvesti nego 180.000 delavci razne šorte,.. altroke in America voio andar, sad svi gredu u Lipu Našu, ter će biti da će Merikani dojti simo h nami delati zidare i škovacine, moj sine!
M: A mi ćemo lipo siditi i fumati, jisti i piti, tuto un fumo de streetfood festival pak zakantati - e se le donne no vol che cantemo, noi cantemo, noi cantemo, e se le donne no vol che cantemo noi cantemo per far le rabiar…
F&J: Ma da, ča rabi samo kukati kao sinje kukavice! Ako jur nimamo šoldi, gran stvar, ćemo lipo svi čisti kupovati zlatne poluge i državne obveznice…
M: Ma bravo naši, san zna ja da ćete vi dva naći rješenje: svoje ne damo, tuđe hoćemo, moj kaurine ljuti! Pak ako bude i po naprid kareštija, ma zabole te džon, uzmeš zlatnu polugu pak ala na peškariju, kilo menole za kilo zlata… ala, ala kuraja, ča smo se stisli ka’i riepci po krovu, ala pisma, pisma, alegria alegria, bi reka MajkBonđorno:
RARARARAARARADNIČKA ODMARA SE KLASA
PLAPLAPLAPLAPLAVI SE JADRAN TALASA
Povezane vijesti
Podijeli: Facebook Twiter
