Piše Milan Rakovac
Franina&Jurina&mraCk: Tambure amo. I cajke
Ilustracija / Milan Rakovac
Cočine stare sidimo na Giardini, štijemo đornale, ma Frane i Jure kako da nisu kuntienti.
F&J: Ma ča ga imaju kontra šindaka de PolaPolaportodiguera? A nu poet, nažgi to sokočalo pak nan povi ča se to laje kako i brečesine na misec?
mraCK: A ča imaju kontra njega? Uon sigurno ne bi bija kontra da su došli braća Teofilovići ča posvud kantaju anke našu starinsku ZASPALO JE SIROČE! To ću van povidatI. Ma vero ste vas dva dreto izvorni ošptenarodni umjetnici.
F&J: A ča? Otkrivaš toplu vodu? Ča ?
M: Ma ne, ne, nego vidin da ste štili “Kremansko proročanstvo”, di su una dva Tarabića prije stoipedesiet lit, i pasanih, znali da će biti televizija i internet i mobitel: SOKOČALO. Štrigunska makina. Sliparija.
F&J: A ča? Ćeš jienu narodnu još z antike svita . “Puče puška i pogodi Marka, u koljeno među oba oka”
M: Ma donke na van jiena talijanska narodna. Finta Gigliola je nju kantala, pak vero priporučan šindaku Zoričiću da je zakanta nasrid Giardini:
E quì comando io, e questa è casa mia,
ogni dì voglio sapere, ogni dì voglio sapere,
e quì comando io, e questa è casa mia,
ogni dì voglio sapere chi viene e chi va.
Ma ča će reći cossa vol dir? mraCK stirpe comunista je kontra umjetničke slobode da peva ko šta oće? Ta nemojte ka’sti!
I sad, čak su i El Zelenski, Putin, Biden (pa i sam “Plenki” – incredibile !) ispali iz Mreže, jer fejsbukeri i tviteraši i hakeri i hejteri e tutta la marmaglia de cassimarini magnafoghi e vendicassi liberaloidi iz armije politički korektnih brbljivaca ovih sumornih demokratura Balkana i PriBalkanja zgraža se kako Pula, eto, zabranjuje umjetnost. A Pula je samo zabranila kič, bofl, šajs. A TO SE SVEJEDNO MOŽE IZVESTI U NEKOM PRIVATNOM ARANŽMANU, ali ne u javnom, gradskom prostoru! In pika, und schluss. Čemu to skanjivanje? “Da li će Sloboda umeti d peva”? E neće!
F&J: Ča biš zakanta ti još koju?
M: Zajno. I veselo, unu ča je kantieva Eelektrični orgazam:
Igra rokenrol cela Jugoslavija
Sve se oko tebe ispravlja i savija
Igra rokenrol cela Jugoslavija
Sve se oko tebe ispravlja i savija
Pak ‘lora na van još jiena iz prvih lit potle oslobođenja:
Hej momci mladi
Šta da se radi
Kad naše malo selo nema jazz orkestar
Tambure amo to svirat znamo neka pleše mlad i star
Lav Trocki svojedobno je pisao i literarnu kritiku, uz ostalo, sažeo je u jednoj nemilosrdnoj rečenici čak i veličinu kakav je bio (i ostao) Majakovski: tovariš Majakovski, vaša poezija jest revolucionarna, ali to NIJE POEZIJA.
Piše e-mail “e moj druže beogradski”: Onomadne, davno pre svega ovoga ničega, beše sastanak sa pevačima, pevaljkama na RTV Beograd da se izvodi samo izvorna narodna muzika, i da se prekine na RTV sa novokomponovanom. Nema zezanje, svako pojedinačno ima de se izjasni. Samo neki ćute ko zaliveni. Pa če Tozovac da primeti, u sav glas: a ti Lepa ćutiš, pušiš Dunhil i zabole te p…a… Pa onda zapevasmo moj drug i ja pesmu o Milenku koji se udavio u velikoj Moravi:
prođe tako čet’r pe’šest sedam osam devet deset dana,
a Milenka voda izbaci na suvo, jerbo se naduvo…
F&J: O šjor poet?
M: O meštri?
FJ: Ma ti jušto kako i mačak okolo piplienja? Ma ča su to ti štrepeti, ča je to kako niko ratno stanje u Puli?
M: Pjutošto će biti tako, ma ne samo u Puli nego, lajoni laju po portalima “od Vardara pa do Triglava”, kad je šindako Pule zabranija cajke…
FJ: Ma ča su to cajke?
M: Ma ča to ne znate? Kako uni naš ča je u Libiji bija Soldato del Regno, pak su ga zarobili ‘Merikani, pak je poša u Prekomorske brigade, Vis, Knin, Ilirska bistrica, pak povida kad je doša doma: poli Knina su me ranili četniki, ma me je spasila jiena naša drugarica, ma ter vi ne znate ča je to drugarica? TO VAN JE KAKO JIENA ŽIENSKA! Tako i vi dva ne znate ča su cajke. Cajke su pevaljke, najveći parat iz Srbije, pevaju samo NARODNJAKE (kobajagikaofol), a više klubova narodnjaka ima u Zagrebu nego u Beogradu. A? Di si sad, bi reka moj unuk?
F&J: A di smo? Vero u vrajžoj hiži!
M: Smo došli jušto tamo kamo smo pošli, remiengo! I sad, ča? Ma lako ćemo - TAMBURE AMO!!! I CAJKE…
Povezane vijesti
Podijeli: Facebook Twiter
