Utorak 4. marca u Ližnjanu će bit veselo i naopako kako to i triba bit za maškare! Udruga Ližnjanske maškare, Općina Ližnjan i Turistička zajednica Općine Ližnjan pozivaju sve – velike i male – da se pridruže fešti, šentenzi i paljenju pusta.

Program starta u 10 uri ujutro kad će se maškare, i one mlade i one stare, okupit kod hiže žalosti ili van usprid crikve sv. Martina i krenut po selu. Navečer, oko sedan i pou večer, maškare se vraćaju u fabriku od maškar, di će se pročitat šentenca i zapalit pust, on kriv za sve prošlogodišnje škerce.

(TZ Ližnjan)

Kad pust zgori, fešta ide dalje! U 20 uri (osan u večer) u općinskoj sali sviral će Škico acoustic band, a za sve će bit fritaje ko ki da jaja – za niš! Pijače će bit i za one manje i one veće, tako da niko neće ostat ni žejan ni gladan.

Svi su dobrodošli – obučite svoje maškarane robe i dojite u Ližnjan na najbolju feštu!

Živija pust!